CONCERTO “THOR HARRIS” - (MUSEO MARCO)

Descripción: 

“LOS HIJOS DE LA MONTAÑA” E “THOR HARRIS” NO SINSAL OUTONO VIGO

 

En Sinsalaudio gústanos o outono, tan necesario este ano en Galicia. Para celebrar a estación, e como vén sendo habitual, o Sinsal Outono 15 chega a Vigo con dous concertos: Los Hijos de la Montaña (28 novembro) e Thor Harris & Friends (15 decembro) no MARCO de Vigo, ambos ás 20:30h. Mestizaxe e hibridación sonora da man do proxecto de Sergio Mendoza chamado Los Hijos de la Montaña e  a oportunidade de vivir a experiencia Thor Harris, nome fundamental da escena estadounidense vinculado durante anos aos Swans. Sinsal Outono 15 conta co apoio do concello de Vigo. As entradas, en ataquilla.com

Á mesma hora, no mesmo lugar, pero o 15 de decembro, o Sinsal Outono trae a Vigo a Thor Harris, conectado na súa traxectoria por algúns dos nomes máis interesantes da escena musical das últimas dúas décadas. A súa intensa relación artística con Michael Gira, pero tamén a decisiva contribución de Harris á abraiante reformulación do son de Swans, até colaboracións con Shearwater, Devendra Banhart, Bill Callahan, Ben Frost, Xiu Xiu, Jenny Hval, Lisa Germano, ou Adam Torres. Semellante traxectoria, personalidade expansiva e sentido do humor delirante convertérono nunha das personalidades máis carismáticas da escena estadounidense.

Na aventura emprendida con Thor Harris & Friends, este carpinteiro, pintor, luthier e percusionista inspírase no minimalismo estadounidense e explora as súas posibilidades rodeado dunha nómina mutante de músicos residentes en Austin. O primeiro resultado desta aventura é un brillante traballo homónimo, no que marimbas, xilófonos e vibráfonos serven para construír unha excitante base polirrítmica sobre a que cobran vida melodías e texturas paridas con pedal steel, sintetizadores analóxicos, violíns, violas, contrabaixos, clarinetes, duduk e oboe.



O  prezo das entradas é de 7 € e poden adquirirse en ataquilla.com


Data: 
Ven (15/12/2017)
Horarios: 
20:30 h
Lugar: 
MUSEO MARCO (rúa Príncipe 54, 36202 Vigo)
Organizador: 
Sinsalaudio S.L., coa colaboración da Concellería de Cultura
Acceso: 
7 €