Noticias

O proxecto musical Xovigo traslada ao día 22 de novembro as probas de selección para participar no seu coro

12 de novembro de 2010-
O proxecto musical Xovigo traslada ao día 22 de novembro, no Auditorio Municipal, as probas de selección para participar no seu coro.
Por outra banda, as probas para participar na orquestra mantéñense nos días 28 e 29 de decembro no Círculo Mercantil.
O proxecto, impulsado pola Tenencia de Alcaldía e a Asociación Galega da Música está dirixido a mozos e mozas de entre 15 e 25 anos.
Para participar en calquera das dúas modalidades do proxecto as inscricións poden realizarse por correo electrónico ao enderezo asociacionatlanticmusik@gmail.com. É preciso aportar o nome completo, a modalidade na que se quere anotar
e no caso de querer formar parte da orquestra hai que indicar o instrumento e o centro no que se realizan os estudos musicais, así como outros datos persoais como a idade, o NIF, o enderezo, o código postal, o teléfono e o enderezo electrónico.

Xesus López presenta a programación do Auditorio Municipal até fin de ano

12 de novembro de 2010-
O concelleiro de Cultura, Xesus
López, presentou onte a nova programación do Auditorio Municipal, que abarca a segunda quincena de novembro e o mes de decembro completo.
Trátase dunha programación “ampla, variada e para todos os públicos” que inclúe música, teatro infantil e para adultos, monólogos... O Festival Sinsal ou “Con T de Teatro” teñen tamén cabida neste novo recinto municipal, para o que se poden mercar entradas nas webs www.laboleteria.com (no caso das obras teatrais e monólogos) e www.servinova.com (no caso da actuación de Sinsal).

A actuación do grupo da Escola Municipal de Teatro prevista para o día 7 de novembro dentro de Vigo a Escena queda posposta para o día 21 de novembro

26 de outubro de 2010-
A representación da obra "O merlo branco", a cargo do grupo da Escola Municipal de Teatro, que estaba prevista para o día 7 de novembro, queda posposta para o día 21 de novembro, ás 18:00h no
mesmo lugar: SCRD Nautilus San Andrés de Comesaña.

Suspendidas as próximas actuacións da Cía. David Fernández Rivera

21 de outubro de 2010-
Quedan suspendidas as próximas actuacións da Cía. David Fernández Rivera, previstas para o día 23 de outubro, na AVV CR San Mamede de Zamáns, e o 20 e novembro, no CCAR de Valadares.

A actuación do grupo de teatro “A Loca Motora” prevista para o día 2 de outubro dentro de Vigo a Escena, queda posposta para o día 20 de novembro

30 de setembro de 2010-
A representación da obra “O tenderete da cachifallada”, a cargo do grupo “A Loca Motora”, que estaba prevista para o día 2 de outubro, queda posposta para o día 20 de novembro, ás 19:00h no mesmo lugar: CC San Miguel de Oia.

Inauguración da exposición “Tempo Escuro” no Museo do Mar

11 de novembro de 2010-
O sabado 13 de novembro, ás 20:00, terá lugar a inauguración da exposición “Tempo Escuro” no Museo do Mar de Galicia. Trátase dun proxecto fotográfico de Peter Schneider que estará exposto até o 27 de febreiro. Para o acto de inauguración contarase coa presenza dos poetas, Chisco F.
Naval, Vitor Vaquerio e Xabier Paz.

Inauguración da exposición “A arte de facer libros” no Verbum

11 de novembro de 2010-
O venres 12 de novembro, ás 20:00, terá lugar a inauguración da exposición “A arte de facer libros” no Museo Verbum - Casa das Palabras, que permanecerá exposta até o 6 de febreiro.

Abertos os prazos de inscrición para o coro e a orquestra xuvenís XOVIGO

20 de agosto de 2010-

No caso da orquestra, a data límite de inscrición é o 19 de novembro, e as probas terán lugar os días 28 e 29 de decembro no Círculo Mercantil de Vigo.
Para o coro, os/as interesados/as poderán inscribirse até o 15 de setembro, con posibilidade
de ampliación de prazo. A data estimada para as probas sitúase na segunda quincena de outubro.

Inauguración da exposición “Fillos do Océano” no Museo do Mar

05 de novembro de 2010-
Hoxe venres 5 de novembro, ás 20:00, terá lugar a inauguración da exposición “Fillos do Océano” no Museo do Mar de Galicia. Trátase dun proxecto fotográfico de Javier Teniente, que estará exposto até o 9 de xaneiro.

Inauguración da exposición “Laxeiro, escritos” na Fundación Laxeiro

05 de novembro de 2010-
Hoxe venres 5 de novembro, ás 20:00, terá lugar a inauguración da exposición “Laxeiro, escritos. Pensamentos, recordos e relatos” na Fundación Laxeiro. A exposición permanecerá na Fundación até o 30 de xaneiro.

Páxinas

Subscribe to Noticias