Noticias

Inauguración da exposición “Valle-Inclán, Palabra e Imaxe” no Verbum

20 de xaneiro de 2011-
Mañá venres 21 de xaneiro ás 20 horas terá lugar no museo Verbum – Casa das Palabras a inauguración da mostra “Valle-Inclán, Palabra e Imaxe”.
Na inauguración está prevista a asistencia dos comisarios da exposición, José Telmo Grande Pérez e Paula Mariño Pazó (Ateneo de Bouzas quen a organiza xunto co Museo Verbum) e o Director do museo, Rosendo Gonzalo Covelo Roma.
A continuación da inauguración, haberá un recital a cargo de Teo Cardalda e María Monsonís que estrearán tres poemas de Valle-Inclán musicados polo compositor vigués e que forman parte do seu proxecto para o 2011: “Claves Líricas”, un disco libro sobre o autor.

As probas para a orquestra de Xovigo terán lugar os días 28 e 29 de decembro no auditorio do Conservatorio Superior de Música de Vigo

23 de decembro de 2010-
Os vindeiros días 28 e 29 de decembro, de 10 a 22 horas terán lugar as probas de selección para participar na Orquestra Xovigo no auditorio do Conservatorio Superior de Música de Vigo.
Tanto o proxecto do coro como da orquestra xuvenil Xovigo é unha iniciativa da Asociación Galega de Música Atlantic Musik, coa colaboración da Tenencia de Alcaldía.
A día de hoxe hai xa 112 persoas inscritas, un feito único para unha orquestra de nova creación, na que se podían inscribir rapaces e rapazas de entre 14 e 25 anos de toda Galicia e que contará con profesorado de ámbito internacional como Krzystof Chorzelski, que tamén participa no proxecto.
Máis info: 682148881 (en horario de 17 a 19 horas) e asociacionatlanticmusik@gmail.
com

As probas para a orquestra de Xovigo terán lugar os días 28 e 29 de decembro

02 de decembro de 2010-
Unha vez realizadas o pasado 22 de novembro as probas para participar no coro Xovigo, a selección para participar na orquestra terá lugar os días 28 e 29 de decembro no Círculo Mercantil.
O proxecto, impulsado pola Tenencia de Alcaldía e a Asociación Galega da Música está dirixido a mozos e mozas de entre 15 e 25 anos.
Para participar en calquera das dúas modalidades do proxecto as inscricións poden realizarse por correo electrónico ao enderezo asociacionatlanticmusik@gmail.com. É preciso aportar o nome completo, a modalidade na que se quere anotar e no caso de querer formar parte da orquestra hai que indicar o instrumento e o centro no que se realizan os estudos musicais, así como outros datos persoais como a idade, o NIF, o enderezo, o código
postal, o teléfono e o enderezo electrónico.

Inauguración da exposición “A breve verba” na Casa das Artes

14 de diciembre de 2010-
El viernes 17 de diciembre, a las 20:00, tendrá lugar la inauguración de la exposición “A breve verba” en la Casa das Artes, que permanecerá expuesta hasta el 23 de enero.

Inauguración da exposición “Conservar a memoria” no Museo do Mar

16 de decembro de 2010-
Hoxe xoves 16 de decembro, ás 20:00, terá lugar a inauguración da exposición “Conservar a memoria” no Museo do Mar de Galicia. Trátase dun proxecto fotográfico de X. F. Chas, gañador da IIª Bolsa de Creación Fotográfica, promovida pola Fundación Museo do Mar de Galicia e o Centro de Estudos Fotográficos.

Inauguración da exposición “ESDEMGA 2010. A moda como proxecto” na Casa Galega da Cultura

16 de decembro de 2010-
Hoxe xoves 16 de decembro, ás 20:00, terá lugar a inauguración da exposición “ESDEMGA 2010. A moda como proxecto” na Casa Galega da Cultura. Unha mostra dos resultados máis salientables dos estudantes dos ESTUDOS SUPERIORES EN DESEÑO TÉXTIL E MODA DE GALICIA (ESDEMGA) no último ano.
>

Suspendida a actuación de Talía Teatro

02 de decembro de 2010-
Debido á enfermidade dun dos actores, a representación da obra “Volpone” de
Talía Teatro, que estaba prevista para este venres, día 3 de decembro, no Auditorio Municipal, queda cancelada.
As persoas que adquirisen a entrada anticipadamente a través da web La Boletería verán reembolsado nos próximos días o importe da mesma na conta na que teñan domiciliada a tarxeta de crédito coa que realizaron a súa compra.
Tanto a Concellería de Cultura como a compañía tentarán buscar outra data para facer esta representación tan pronto como se produza a recuperación do actor.

A actuación do grupo “Alicia Teatro”, prevista para o día 12 de novembro dentro de Vigo a Escena, queda posposta para o día 3 de decembro

08 de novembro de 2010-
A representación da obra “Ñaque ou de piollos e actores”, a cargo do grupo “Alicia Teatro”, que estaba prevista para o día 12 de novembro, queda posposta para o día 3 de decembro, ás 20:00h no mesmo lugar: AVV de Lavadores.

Convocada unha nova edición de Vigo a Escena 2011

15 de novembro de 2010-
Xa está convocada unha nova edición de Vigo a Escena 2011, pola que compañías profesionais de teatro e danza con domicilio fiscal no termo municipal de Vigo poderán participar no programa de teatro por barrios do próximo ano.

As solicitudes deberán presentarse nun prazo de 15 días naturais contando a partir do día 13 de novembro, cubrindo o formulario anexo e aportando a documentación xustificativa que recollen as bases.

Inauguración da exposición “Quiñones de León: unha nova pinacoteca para Galicia” na Casa das Artes

25 de novembro de 2010-
O venres 26 de novembro, ás 20:00, terá lugar a inauguración da exposición “Quiñones de León: unha nova pinacoteca para Galicia” na Casa das Artes, que permanecerá exposta até o 13 de febreiro.

Páxinas

Subscribe to Noticias